Dyrrah City përparon me promovimin e talenteve, “zbor”në Angli dhe në Emirate

Vitrina e futbollit që mungonte në Shqipëri po avancon ashtu si duhet! Dyrrah City Football Academy do të hapë një tjetër rrugë drejt promovimit të talenteve, me turnetë e këtij viti në Britaninë e Madhe dhe në Emiratet e Bashkuara Arabe.

Akademia që mban flamurin kuqezi do të jetë prezente në muajin Shkurt në Abu Dhabi Cup, një turne futbolli që organizohet nga Manchester City dhe që ka pjesëmarrjen e 128 ekipeve nga 13 shtete të ndryshme të botës. Mes tyre spikat dhe Dyrrah City.

Do të testohen në total 1722 lojtarë në akademinë e Manchester City dhe ku talentet nga Shqipëria do të kenë një vëmendje të veçantë. Në ”zborin” 3 ditor në Abu Dhabi, lojtarët tanë do të masin forcat me ekipe të forta të globit, në kompleksin “Zayed Sports City”.

Por jo vetëm kaq. Dyrrah City do të jetë prezent edhe në Manchester, për një turne përgatitor pranë “Citizens” me trajnerë të kualifikuar pranë një prej skuadrave më të suksesshme në botë. Vizita studimore për ekipin shqiptar do të jetë pjesë edhe e e agendës së Manchester City, me njohjen nga afër të metodave “Pep Guardiola”dhe turin miqësor në fushë…