FOTOLAJM/ Pas betimit të Trump si president i SHBA-ve, Joe Biden dhe Kamala Harris largohen me helikopter nga Capitol Hill
Pas betimit të Donald Trump si president i 47-të i SHBA-ve, Joe Biden dhe Kamala Harris u larguan me helikopter nga Capitol Hill.
Donald Trump bëri sot betimin si presidenti i 47-të i Shteteve të Bashkuara.
Ky moment shënon një rikthim historik në pushtet të njeriut që në pak më shumë se nëntë vite riformësoi Partinë Republikane, në një vend ku ndasitë politike janë gjithnjë e më të dukshme.
Gjatë fjalës së inaugurimit Donald Trump tha se u rizgjodh pas një mbështetjeje “të paparë dhe të fuqishme” të votuesve amerikanë.
“Dua të falënderoj popullin amerikan për nderin e jashtëzakonshëm duke më zgjedhur si presidentin e 47-të dhe të 45-të. Do të luftoj për çdo qytetar, familjet dhe të ardhmen tuaj. Çdo ditë do të luftoj për ju. Në çdo frymëmarrje, nuk do të pushoj derisa ta bëjmë Amerikën të fortë, të sigurt“, tha Trump.
