Ky profesion e mban trurin të ri në moshë

Ju mund të keni dyshuar, por tani një studim i ri e konfirmon. Sa më shumë ta përdorni trurin tuaj në punë, aq më mirë do të jetë kujtesa juaj dhe funksionet e tjera të trurit më vonë në jetë.

Në studimin , i botuar në Neurology dhe i kryer në Norvegji, studiuesit studiuan 7000 njerëz në 305 punë të ndryshme dhe ekzaminuan se sa shumë duhej të përdornin trurin e tyre gjatë punës.

“Ne shikuam kërkesat e punëve të ndryshme dhe zbuluam se stimulimi kognitiv në punë gjatë viteve 30, 40, 50 dhe 60 u shoqërua me një rrezik të reduktuar të dëmtimit të butë njohës pas moshës 70 vjeç.” raportojnë studiuesit.

“Sipas gjetjeve tona, një profesion që kërkon të menduarit më kompleks është thelbësor për të mbajtur kujtesën tonë të lulëzuar ndërsa plakemi” shtojnë ata.

Si ndikohet truri nga puna jonë?
Studiuesit matën zgjimin kognitiv të njerëzve gjatë kryerjes së detyrave manuale si kontrolli i pajisjeve dhe e krahasuan atë me zgjimin njohës të njerëzve që punonin në profesione ku ata duhej të analizonin dhe interpretonin informacionin.

Profesioni që rezultoi në stimulimin më të madh njohës ishte mësimdhënia dhe ai me më të ulëtin ishte postieri.

Studiuesit më vonë shikuan kujtesën dhe aftësinë njohëse të pjesëmarrësve mbi moshën 70 vjeç dhe zbuluan se punëtorët me kërkesat më të ulëta kishin një rrezik 66% më të madh të dëmtimit të butë njohës krahasuar me ata që punonin në punë me kërkesa më të larta njohëse.

Por studiuesit theksojnë se kërkesat njohëse mund të ndryshojnë nga dita në ditë edhe në të njëjtën punë. Ata gjithashtu vënë në dukje se gjetjet e mësipërme tregojnë thjesht një lidhje, jo shkakësi.

“Kërkime të mëtejshme nevojiten për të identifikuar më konkretisht se cilat profesione kërkuese njohëse janë më të dobishme për ruajtjen e aftësive të të menduarit dhe kujtesës,” shtojnë ata.

Në një studim të mëparshëm , megjithatë, profesionet e mëposhtme u raportuan se ndihmojnë në ruajtjen e funksionit të shëndetshëm të trurit: menaxher, avokat, punonjës social, inxhinier, fizikant, mjek, dentist dhe farmacist.