Barça nxjerr Gjimshitin nga “Top8”, Atalantën e pret Dortmund

Barça i bën “bllok” Atalanta-s, i rrëmben një pikë duke nxjerr bergamaskët nga “Top8” në Champions. Ekipi i Hansi Flick ishte i kualifikuar direkt në fazën e 1/8, por nuk bënë kompromis duke zhvilluar një futboll të hapur, në fund dy ekipet ndanë nga një pikë pas barazimit 2-2, me Barçën që e mbyll fazën e grupeve në vendin e dytë, ndërsa Atalanta në vendin e 9-të.

Ekipit të Gjimshitit i duhej fitorja me çdo kusht, këtë e vërtetuan që në start, por VAR i prishi festën në minutën e 36-të duke i anuluar golin Zappacosta-s për pozicion jashtë loje.

Fraksioni i dytë ishte “zjarr”, me Barçën që kaloi menjëherë në avantazh falë një goli të Yamal. Atalanta iu përgjigj në minutën e 67-të me Ederson që barazoi shifrat në 1-1. Me mëndje në La Liga, Flick nisi të freskojë ekipin, jo vetëm kaq, por gjetën edhe golin e dytë me Araujo i cili me kokë dërgoi topin në rrjetë. Atalanta nuk u dorëzua, por 7-të minuta më vonë, në minutën e 79-të, Pasalic barazoi rezultatin në 2-2. Minutat e mbetura nuk sollën ndryshim në rezultat, me Atalantën që e sheh veten në fazën “play-off” aty ku do të përballet me B.Dortmund.

Për 90 minuta në fushë qëndroi Berat Gjimshiti, me kapitenin kuqezi që u vlerësua nga mediat italiane me notën 6-të: “Kundër super sulmit të Barcelonës rezistoi mirë. Thuajse asnjë gabim deciziv”, shkruan TuttomercatoWeb.

I lumtur për vendin e dytë u shfaq trajneri Hansi Flick, por tekniku i Barcelonës nuk preferoi të shpesh dëshira në lidhje me rivalët e mundshëm në fazën e 1/8: “Jam shumë i lumtur që e mbyllëm këtë fazë në vendin e dytë, është diçka e mirë për tifozët të na shohin mes tetë ekipeve të para. Në Champions marrin pjesë ekipet më të mira, nuk janë vetëm tetë ekipet e para. Nuk do të jetë të lehtë, të shohim shortin”, u shpreh Flick.