Aksidenti ajror mes avionit dhe helikopterit në Uashington, nxirren 55 trupa nga ujërat e akullta të lumit Potomac! Vazhdojnë kërkimet për 12 të zhdukurit

Lista e personave që humbën jetën në rrëzimin e avionit që ndodhi në Uashington po rritet, me ekipet e shpëtimit që kanë nxjerrë 55 trupa nga ujërat e akullta të lumit Potomac.

Katër ditë më vonë, shpresat po shuhen se 12 personat e zhdukur, do të gjenden gjallë.

“Trupa të rinj janë gjetur. Deri më tani janë identifikuar 55 viktima të këtij aksidenti”, tha shefi i zjarrfikësve John Donnelly.

“Ne do të vazhdojmë kërkimet derisa t’i marrim të gjithë,” u zotua ai.