Arsenal nuk gjen “paqe”, një tjetër sulmues “parkon” në infermieri për londinezët

Pas Bakayo Saka dhe Gabriel Jesues, një tjetër sulmues është dëmtuar për Arsenal. Bëhet fjalë për Gabriel Martinelli. Braziliani u dëmtua pak para përfundimit të pjesës së parë, gjatë ndeshjes së dytë gjysmëfinale të Carabao Cup kundër Newcastle.

Martinelli u rrëzua duke mbajtur kofshën e tij dhe më pas u zëvendësua nga Ethan Nëaneri. Klubi pritet ende të mësojë shkallën e saktë të dëmtimit të Martinelli. Nëse lëndimi do të konsiderohet i rëndë, 23-vjeçari do t’i shtohej një liste në rritje të të dëmtuarve te “topçinjtë”, duke e bërë të vështirë situatën për trajnerin Mikel Arteta.

Trajneri konfirmoi se lojtari do të bënte një MRI, duke thënë: “Ai ndjeu diçka, mendoj se ishte kërthiza e tij dhe ai nuk ishte i qetë për të vazhduar. Ne do të duhet të bëjmë një skanim MRI për të parë shkallën e dëmtimit”.