Netanyahu uron Merz për fitoren: Mezi presim të punojmë ngushtë me qeverinë tuaj dhe të forcojmë partneritetin

Reagimet kanë filluar të vijnë nga liderët botërorë, me konservatorët e qendrës së djathtë të parashikuar të fitojnë zgjedhjet, me AfD-në e ekstremit të djathtë në vendin e dytë.

Kryeministri izraelit Benjamin Netanyahu ka uruar Friedrich Merz dhe bllokun CDU/CSU për “fitoren e tyre të qartë zgjedhore”.

“Urime për Friedrich Merz dhe CDU/ CSU për fitoren e tyre të qartë sot në zgjedhje. Mezi presim të punojmë ngushtë me qeverinë tuaj të ardhshme për të forcuar më tej partneritetin midis dy vendeve tona”, shkruan Netanyahu.

Sekretari i Përgjithshëm i NATO-s Mark Rutte ofroi gjithashtu urimet e tij për Merz, i cili është në rrugën e duhur për t’u bërë kancelari i ardhshëm i Gjermanisë.

“Mezi pres të punoj me ju në këtë moment vendimtar për sigurinë tonë të përbashkët,” tha ai.

“Është jetike që Evropa të përshpejtojë shpenzimet e mbrojtjes dhe lidershipi juaj do të jetë kyç”.

Më parë, vetë Donald Trump përshëndeti fitoren e Merz duke thënë se është një “ditë të madhe” për Gjermaninë.