EMRAT/ Hodhën sërish në treg 21 ton mandarina me pesticide të kthyera mbrapsht nga Kroacia! Gjykata e Beratit lë në burg tre të arrestuarit!

Gjykata e Beratit ka dhënë sot masat e arrestit për tre të ndaluarit, që akuzohen se hodhën në treg 21 ton mandarina të ndaluara për tregti, te kthyera nga Kroacia.

Seanca e caktimit të masës së sigurisë u zhvillua me dyer te hapura.

Në fund gjykata e Beratit caktoj të vlefshme arrestimet dhe dha për të tre të arrestuarit masën e arrestit ne burg. Bëhet fjalë për:

Arben Dylin, grumbullues .
Elton Tafaj, fermer.
Elson Tahiraj, inspektori shtetit.

Gjyqtari i çështjes është Ilirjan Hysa, ndërsa prokurore është Malvina Pellumbi.

Gjatë seancës avokatët mbrojtjes i quajtën  të ndaluarit viktima të luftës tregtare të konkurrencës me qëllim dëmtimin e tregtarëve  vendas.

Avokati mbrojtës i Arben Dylit  hodhi dyshime në vërtetësinë e analizave të shtetit kroat.

Ndërsa në fjalen e tij përpara trupit gjykues eksportuesi Arben Dyli u shpeh se nuk e dinte që duhej  njoftuar AKU, pasi iu kthye produkti i mandarinës.

Ai njoftoi fermerët një nga Goriçani dhe tjetri nga Saranda për të marrë mbrapsht  mallin.

Fermeri i arrestuar Elton Tafaj u shpreh se i është bere padrejtësi nga AKU pasi i ka treguar që mandarinat ishin  prishur, kalbur, ndaj  dhe i hodhi ne landfilldin e Dimalit.

“Mu  thye zemra kur i hodha sepse ishte djersa ime. Tafaj kishte debatuar me Dylin pasi  dyshonte që mandarina e kthyer  mbrapsht  nuk ishte  e tija, e megjithatë ai e mori te mirëqenë dhe e hodhi në plehra”, tha njëri prej të arrestuarve.

Sakaq, pavarësisht mbrojtjes dhe deklarimeve të të arrestuarve gjykata vendosi masën e arrestit me burg për të tre.