“Lufta për scudetto-n pezull, Napoli më mirë, por Inter ruan avantazhin”, mediat italiane komentojnë supersfidën Napoli-Inter

Napoli Inter e mbyllin në paqe, pas barazimit 1 me 1 në sfidën direkte për titull të zhvilluar në “Maradona” të shtunën pasdite, me kreun e klasifikimit që nuk person aasnjë ndryshim pas javës së 27, duke qenë se edhe Atalanta nuk arriti të përfitojë, duke barazuar 0-0 me Venezian në shtëpi.

Napoli-Inter ishte padyshim sfida e shumëpritur, e cila sigurisht nuk ishte vendimtare për titull, duke qenë se duhen ende edhe 11 javë të tjera për t’u luajtur, por mund të përcaktonte shumë mbi skuadrën favorite këtë sezon, aty ku deri tani Serie A duket më e balancuar se kurrë. Inter luan mirë në pjesën e parë, aty ku interpreton mirë ndeshjen me të besuarit e Simone Inzaghit që gjetën edhe golin e zhbollikimit të shifrave falë një super goli me një goditje dënimi të Dimarcos në mesin e pjesës së parë. Napoli tenton të reagojë menjëherë me Lukakun dbe Mc Tominay por Inter mbrohet mirë, me portierin Martinez që nuk lë vend që tifozët zikaltër të ndjejnë mungesën e Sommer.

Megjithatë në pjesën e dytë skuadra e Inzaghit vuan, teksa konfirmon për të disatën herë se ndaj rivalëve direkt këtë sezon nuk di të fitojë. Fraksioni i dytë flet vetëm për skuadrën e Contes që provon me të gjithë forcat barazimin e rezultatit. Mgjithatë goli i barazimit do të vinte vetëm 3 minuta nga fundi i kohës së rregullt, ndoshta nga lojtari që më pak pritej, danezi Philip Billing, që merr një pasim në zonë nga Lobotka, godet portieri zikaltër reagon saktë në tentativën e parë, por për fatin e napoletanëve topi vjen sërish në këmbët e Billing që nuk fal për golin e barazimit.

Ndoshta rezultati më i drejtë për atë se çfarë dhanë të dyja skuadrat në fushën e lojës. Ndërkohë në renditje një pikë që vlen më shumë për armatën e Simone Inzaghit që ruan epërsinë në +1 ndaj Napolit dhe në +3 ndaj Atalantës.

Edhe mediat italiane ditën e sotme i kushtojnë patjetër hapësirën kryesore sfidës më të rëndësishme të javës së 27 Napoli-Inter.

“Inter mban pikën” shkuran prestigjiozja La Gazzetta dello Sport.

Për Corriere dello Sport Napoli ishte superiror ndaj kampionëve në fuqi, teksa kjo e përditshme hapet me titullin: “Më mirë Conte”.

Ndërkohë për Tuttosport një barazim që nuk ndryshon asgjë në renditje: “Scudetto pezull”, shkruhet nga kjo e përditishme ditën e sotme.