“Denonco krimin zgjedhor!” – SPAK hap portal online për zgjedhjet e 11 majit

Prokuroria e Posaçme Kundër Krimit të Organizuar dhe Korrupsionit ka aktivizuar në faqen e saj zyrtare në internet, mundësinë e denoncimit të krimit elektoral, në prag të zgjedhjeve parlamentare të 11 majit.

Në rubrikën “Denonco krimin zgjedhor” SPAK i kushton prioritet hetimit dhe goditjes së rasteve të krimit zgjedhor, ndërsa më parë ka shpallur edhe strategjinë dhe marrëveshjen me KQZ-në.

Në këtë faqe të posaçme, shpjegohet se si kryhet kallëzimi online dhe së bashku me ftesën drejtuar qytetarëve, janë edhe udhëzimet konkrete.