Drejtuesi i fushatës së PD, Chris LaCivita: Zgjedhjet në Shqipëri mund të krijojnë një pikëmbështetje Pro-Amerikane në Europë

Drejtuesi i fushatës së Partisë Demokratike për zgjedhjet parlamentare të 11 majit, Chris LaCivita, i ka cilësuar zgjedhjet në Shqipëri si pikëmbështetje pro-amerikane në Evropë.

Në një postim në rrjetin social “X”, LaCivita ka reaguar mbi shkrimin e medias konservatore në Amerikë, ‘The Federalist’, e cila paralajmëronte fitoren e liderit të opozitës në Shqipëri, Sali Berisha, në zgjedhjet e 11 majit.

 “Zgjedhjet në Shqipëri mund të krijojnë një pikëmbështetje Pro-Amerikane në Europë’, shkruan në X LaCivita.

Kujtojmë se Chris LaCivita është një nga strategët e fushatës së rikthimit të Donald Trump si President i 47-të i ShBA-së.