Zelensky: Ukraina plotësisht e përkushtuar për dialog konstruktiv me SHBA

Ukraina është “plotësisht e përkushtuar” për dialog konstruktiv me përfaqësuesit e SHBA në Arabinë Saudite javën e ardhshme, thotë Volodymyr Zelensky.

“Ukraina ka kërkuar paqen që në sekondën e parë të kësaj lufte. Propozime realiste janë në tryezë. Çelësi është të lëvizim shpejt dhe me efektivitet.

Nga ana jonë, ne jemi plotësisht të përkushtuar ndaj dialogut konstruktiv dhe shpresojmë të diskutojmë dhe të biem dakord për vendimet dhe hapat e nevojshëm”, tha ai.

Zelensky tha se do të vizitojë Arabinë Saudite javën e ardhshme, kur pritet të takohet me princin e kurorës Mohammed bin Salman.

Pas kësaj, përfaqësuesit diplomatikë dhe ushtarakë ukrainas do të qëndrojnë për një takim të martën me zyrtarë amerikanë.