Zinchenko “hedh dorashkën”: Real Madrid skuadër e madhe, por ne do të tregojmë potencialin tonë

Arsenali nuk e vuri asnjëherë në dyshin kualifikimin, teksa mposhti me rezultat të përgjithshëm 9-3 skuadrën e PSV-së. Në çerekfinale “fati” i ka vënë përballë Real Madrid, por Oleksandr Zinchenko nuk iu trembet aspak madrilenëve.

Ukrainasi ka theksuar se “Los Blancos” janë një nga ekipet më të mëdha në botë, pasi e kanë fituar plot 15 herë këtë turne, por ata janë gati për të sfiduar kampionët në fuqi.

“Real Madridi është një nga klubet më të mëdha në botë, ata e kanë fituar këtë kompeticion 15 herë dhe kanë shumë lojtarë dhe përvojë të klasit botëror. Por ne vetëm duhet të tregojmë paraqitjet tona më të mira dhe të gjithë mezi presim këto lojëra”, ka theksuar ukrainasi.