Shpërthim me eksploziv në një automjet në Krujë, detajet e para
Një shpërthim me eksploziv është shënuar orët e para të mëngjesit në Krujë, ku një automjeti i është vënë lëndë plasëse.
Raportohet se automjeti tip “Opel Corsa”, i përket shtetasit E.K., 25 vjeç.
Ngjarja ka ndodhur rreth orës 03:20, në rrugën “Vrana Konti”. Uniformat blu raportojnë se lënda plasëse ka qenë në sasi të vogël, e cila shkaktoi dëme materiale vetëm në pjesën e parë të makinës.
Sakaq, grupi hetimor po punon për identifikimin e autorit/eve dhe dokumentimin e plotë të ngjarjes.
NJOFTIM
Krujë/Informacion paraprak
Rreth orës 03:20, në rrugën “Vrana Konti” dyshohet se në automjetin tip “Opel Corsa” në përdorim nga shtetasi E. K., 25 vjeç, është vendosur një sasi e vogël lëndë plasëse, ku janë shkaktuar vetëm dëme në pjesën e parë të automjetit.
Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorit/ve si dhe dokumentimin e plotë të ngjarjes.
