Shakira ende nuk e ka kapërcyer tradhtinë e Pique, ja deklarata e saj

Gjatë turneut të saj në Amerikën Latine, Shakira dha një intervistë në të cilën foli se si ndihet pothuajse tre vjet pas ndarjes me Gerard Pique dhe në të cilën pranoi për herë të parë se nuk e ka kaluar tradhtinë e futbollistit.

“Procesi i shërimit zgjat shumë vite,” tha ylli kolumbian në një intervistë për kanalin meksikan N+, duke shtuar se një nga gjërat që ka mësuar është se “mund të jesh i lumtur edhe me dhimbje”, me “një plagë që nuk shërohet”.

Këngëtarja sqaron se është normale të zhgënjehesh, të ndihesh e “vogël” apo të mendosh se e ke “humbur vlera”, por thekson se në këto situata “miqtë, familja, njerëzit e vërtetë janë aty për të kujtuar se kjo vlerë ekziston dhe se mund ta përballosh”. “Për çdo person në botë që nuk është ai që prisnit, ka shumë të tjerë që të befasojnë”, tha ajo.

Duke iu referuar ndarjes me Pique-n, Shakira shpjegon arsyen e këngëve të saj: “Secili përpiqet të rindërtojë veten në mënyrën e vet. E imja ishte kryesisht shkrimi i këngëve, gjë që hoqi një peshë të madhe nga supet e mia. Për mua shkrimi është një proces pastrimi.”

Së fundi, ajo shpjegon se çfarë do të thotë për të të jesh ujk, një karakterizim me të cilin ajo e përcakton veten. “Do të thotë të jesh një person besnik, një shoqe besnike, një nënë mbrojtëse, një biznesmene, një grua punëtore”, thotë ajo, duke komentuar se këto janë gra që “i sjellin familjes së tyre edhe më shumë para se vetë burrat e tyre, punojnë më shumë dhe bëjnë tri herë më shumë përpjekje”.