Napoli nuk dorëzohet, vijon ndjekjen ndaj Interit, fiton ndaj Milanit
Napoli nuk dorëzohet për titullin kampion, teksa këtë të dielë fitoi 2-1 ndaj Milanit. Politano dhe Lukaku vendosën ndeshjen në shinat e duhura për ekipin e Contes, me golat e tyre në pjesën e parë.
Në pjesën e dytë, kuqezinjtë ndryshojnë fytyrë dhe ushtrojnë presion në zonën e kundërshtarit. Gimenez humbi një penallti ndërsa Jovic shkurtoi diferencat.
Napoli renditet në vendin e dytë me 64 pikë, 3 pikë më pak se Interi kryesues. Misioni Champions për Milanin duket i vështirë, pasi renditet në vendin e nëntë.
