Ish-partnerja në “BBV”/ Flet për herë të parë Olsi Bylyku
Aktori dhe këngëtari i njohur, Olsi Bylyku, ka folur për herë të parë publikisht rreth ish-partneres së tij, Egli Tako, e cila aktualisht është pjesë e reality show-t “Big Brother VIP Albania 4”. Në një intervistë në “The Dalina Show”, Olsi shprehu respekt dhe mirënjohje për Eglin, duke i uruar asaj fitoren në këtë spektakël.
Megjithatë, Olsi shprehu shqetësimin se, ndërsa vëmendja është përqendruar te marrëdhënia e tij e kaluar me Eglin, nuk ka pasur komente apo vlerësime për partneren e tij aktuale, e cila ka treguar durim dhe mirëkuptim gjatë kësaj periudhe. Ai theksoi se është mirënjohës për mbështetjen e saj dhe se dëshiron t’i shprehë personalisht këtë mirënjohje.
Kujtojmë se Olsi dhe Egli kanë pasur një lidhje disa vjeçare, për të cilën aktori ka folur edhe më herët, duke e cilësuar si një marrëdhënie të ndërlikuar dhe duke pranuar se ndoshta janë nxituar në vendimet e tyre.
Ndërkohë, pjesëmarrja e Eglit në “Big Brother VIP Albania 4” ka sjellë sërish në vëmendje historinë e tyre të mëparshme, ndërsa Olsi vazhdon të mbështesë ish-partneren e tij duke i uruar sukses në këtë eksperiencë.
Ajo që më ka shqetësuar është që nuk ka patur një koment për një partnere që unë kam në shtëpi dhe duron gjithë këto gjërat. Gjithmonë kemi ndaluar tek ajo ish-historia ime, që unë në fakt e kam patur 19-vjeç, dhe kam shumë respekt dhe mirënjohje për atë gocë absolute dhe i uroj fitoren në “BBVA”!
