Ngeli pa parti, Dashnor Sula tregon prapaskenat: Ka ndërruar mendje sot doktori, më tha…
Pasi u la jashtë listave të Partisë Demokratike, Dashnor Sula fillimisht iu bashkangjit koalicionit Lapaj-Shabani, “Nisma Shqipëria Bëhet”, por më pas iku prej aty pasi palët nuk u dakordësuan së bashku.
Ftesë pati dhe nga kryesocialisti, Edi Rama, i cili mes shakash e ka cilësuar Sulën ndryshe nga politikanët e tjerë të Partisë Demokratike.
“Doni ta mësoni ju të parët. Është sekret shumë i madh. Ka ndërruar mendje sot doktori më thirri sot. Më thirri e më tha ne do e mundim Edi Ramën, e kemi gjetur formulën. LaCivita më ka thënë: ‘Tërhiqu kryeministër si kandidat për kryeministër dhe i vetmi njeri që e bën m** Edi Ramën, kandidat për kryeministër duhet të jetë Flamur Noka, kryetare Parlamenti Albana Vokshi dhe le të gjejë vrimë e të futet Edi Rama.’ Unë i thashë jo doktorit, u mallëngjeva dhe i thashë ‘nesër më ke në fushatë doktor’, me kryeministër Flamur Nokën edhe ta këpusim si pras Edi Ramën sepse është i gjatë shumë dhe kryejmë punë. Dhe çfarë mora vesh që të gjithë kandidatët ishin të lumturuar. Nga sot kishin filluar motorët të ikë Edi Rama të shporret. Prite Flamurin se po vjen të shpëtojë mëmëdhenë”, u shpreh Sula i ftuar në emisionin Stop në Tv Klan.
