61 pikë s’mjaftojnë, super Jokiç, por Denver “dorëzohet” ndaj Minesotës
Në NBA po luhen ndeshjet e fundit të sezonit të rregullt, me skuadrat që vijojnë përpjekjet për të siguruar një vend për në fazën e “Play Off”.
Vijon forma shumë e mirë e Golden State Warriors. Në sfidat e së martës në mbrëmje skuadra e Golden State regjistroi fitoren e tretë radhazi, pasi mposhti me shifrat 134-125 Memphis jashtë fushe. Një sukses që bënë që kjo skuadër të konsolidojë pozitat në vendin e pestë në Perëndim. Ndeshje magjike për Stephen Curry, që realizoi 52 pikë e 10 rebound, duke qenë lider për Warriors.
Rikthehet te fitorja skuadra e Milwaukee Bucks, që mundi 133-123 Phoenix. Të gjithë titullarët e skuadrës së Bucks realizuan mbi 12 pikë, ku u dallua ylli i kësaj skuadre Giannis Antetokounmpo me 37 pikë e 11 asist, duke i bërë të pavlefshme 39 pikët e Booker për miqtë.
Në sekondat e fundit të kohës shtesë fiton Minnesota, që mundi 140-139 Denver. Anthony Edwards me 34 pikë ishte lider për miqtë, ndërkohë që Jokic realizoi 61 pikë, 10 rebound e 10 asist, por që s’mjaftuan për të evituar humbjen për Nuggets.
