Dinamo, trajneri Daja pas ndeshjes: Kupa nuk të jep mundësi të gabosh!

Ilir Daja, trajneri i Dinamos komentoi barazimin pa gola ndaj Vllaznisë në Kupë.

“Në Shkodër dhe me Shkodrën luhet gjithmonë futboll. Ambienti dhe tifozët kanë qejf lojë të hapur. Dhe ne dëshirojmë të njëjtën gjë. Gjithmonë bëhet një lojë e mirë. Për të kaluarën, në këtë lloj spektakli arbitri duhet të jetë menaxher se ndonjë i rreptë që të përfundojë me 8 apo 7 lojtarë.

Sot ishte ndeshje që kemi bërë pjesë të parë goxha të mirë. Mund të shkonim drejt golit. Kishim probleme se Gudiabi ka hyrë me temperaturë. Po kujtoj se Itodo ka dy muaj që nuk luan. Dhe Aliji, sot në nxemje ka pasur probleme, ka luajtur me sforco. Me gjithë këto probleme që kemi, me gjithë rikuperimet që janë të rikuperuar, besoj se bëmë ndeshje të mirë në Shkodër, përballë Vllaznisë.

Vetë Kupa nuk të lë shumë të gabosh. Është me system eliminimi, përveç rezultatit duhet të jesh në ekuilibër. Nuk ka më mundësi nëse bën hap të gabuar. Ndryshonte me ndeshjet e tjera se është diçka tjetër me eliminim.

Rufati është futur me daljen e Loranit me Partizanit. Nga minuta e parë në Korçë dhe sot ndeshja tjetër. Që me Partizanin tregoi stabilitet, ka bërë ndeshje goxha të mirë. Dhe sot, përveç Alijit, mund të ishte nga më të mirët në formacionin tonë.

Në momentin që shikon se lojtarët japin maksimumin, drejtojnë lojën, dhe ne në pankinë jemi më të qetë. Kur ka humbje topi të shpeshtë, je gjithë kohës në tension. Kur ndërton, të rikthehet në të kundërt. Sot loja më bëri që të isha më pak me dozë emocionale, pavarësisht se gjithë kohës punojmë me emocion.

Pa lodhje nuk ka rezultat. Pa marrje përgjegjësish, se nuk futem në pjesë taktike, që të prezantoj manovrën që bëjmë, sigurisht nuk do të kishim këto rezultate. Lojtarët që drejtoj janë goxha të motivuar, bëjnë përpjekje të përmirësohen vetë. E tregon edhe performanca e lojës që kemi bërë, gjithmonë duke ardhur në rritje”