Lewandowski në gjurmët e Messit, polaku tërheq Barçën

9 gola në 9 ndeshjet e fundit, 38 gola deri në këtë pikë të sezonit, 25 prej të cilave vetëm në La Liga, po flasim për Robert Lewandowski-n, me “bomberin” polak që nuk njeh as moshë e as limite. Rendimenti i tij fantastik ka bërë që Barcelona të jetë në garë për çdo trofe. Në moshën 36-vjeçare, Leva po përjeton një rini të dytë, është në të njëjtin ritëm ashtu si në sezonin 2019-2020 ku fitoi edhe “Tripletën” me Bayern Munich, për koincidencë apo jo edhe në atë kohë trajneri i tij ishte Hansi Flick.

Sipas mediave spanjolle, të cilat i referohen edhe shifrave, ky është Lewnadowski më i mirë që nga dita kur polaku veshi fanellën blaugrana. Leva ka shifra dhe rendiment edhe më të mirë se sa në sezonin 2022-2023 ku fitoi titullin në La Liga dhe trofeun e golashënuesit më të mirë.

Mediat spanjolle kanë shkuar edhe më tej, duke bërë dhe një krahasim të fortë, mes tij edhe Leo Messit, mes shifrave të tyre sigurisht. Deri në këtë pikë të sezonit, Leva ka shënuar 28 gola në La Liga, vetëm një gol më pas se sa Messi në të njëjtën periudhë të kampionatit.

Në Poloni, burime pranë Lewandowskit bëjnë me dije se sulmuesi ndihet në formë të shkëlqyer fizike, madje më mirë edhe se sa 2-3 sezone më parë. Leva është i bindur se mund të vijojë të shënojë ende shumë gola dhe të luajë edhe për disa vite të tjera në nivele të larta.

()