“Nuk dua të bëj si ëngjëllor…”/ MatoLale zbulon dedikimin për ish-partneren e tij

MatoLale ka folur shumë rreth projekteve të tij muzikor teksa ishte i ftuar në “Ndryshe”.

Duke qenë se futja në tregun muzikor është gjithmonë shumë e vështirë, sidomos për artistët e rinj, MatoLale gjithmonë ka arritur të qëllojë me projektet dhe të bëhet viral në rrjet. Cili ishte çelësi i këtij suksesi sipas tij?

Faleminderit Zotit, unë jam gjithmonë falënderues ndaj Zotit në radhë të parë dhe publikut që na ndjek. Sigurisht pa ato nuk do të ishim këtu ku jemi. Mendoj që çelësi i suksesit të Matos ka qenë puna intensive, puna e fortë. Ka qenë gjithmonë dëshira për të sjellë risi në treg dhe gjëra të reja që normalisht do një guxim të caktuar që të eksperimentohet dhe mendoj që talenti normalisht bën punën e vet.

Lidhur me frymëzimin për të shkruar e për të krijuar këto këngë, ai u shpreh:

Unë zakonisht frymëzohem nga gjërat që mund të ndodhin në jetë, ose nga gjëra që i kam të përjetuara, ose të kaluara. Kjo bën që të jesh më real në tekst, edhe mendoj që njerëzit i pëlqejnë më shumë gjërat që i përjetojnë edhe vetë, që i ndjejnë. Këtë përpiqem të transmetoj edhe tek publiku. Gjithmonë ato ndjenjat njerëzore.

Një nga këto histori që kanë frymëzuar realizimin e këngëve ka qenë pikërisht për një ish-partnere e tij, ku më tepër MatoLale tha:

Në fakt, kënga bazohet në një vajzë që ishte gocë e mirë dikur dhe që fatkeqësisht ne kemi shumë histori të tilla. Nuk dua të bëj si ëngjëllor se të gjithë njerëzit kanë momentet e veta në jetë. Kjo është histori e vërtetë. Ekziston. Duke u frymëzuar nga historia e saj, nga një gocë e mirë, provoi alkoolin, jetën e natës, jetën e luksit. Mendoj që është një biletë pa kthim sepse është aq e bukur dhe u pëlqen njerëzve, aq edhe e trishtë në të njëjtën kohë sa nuk mund të kthehen më mbrapa.