PSG lufton për 3 tituj, Marquinhos i lumtur: Bëjmë maksimumin në muajt e fundit

PSG po zhvillon një sezon pozitiv, teksa është në garë në Champions, Kupë dhe kampionat. Mbrojtësi i parisienëve, Marquinhos, foli së fundmi, për sezonin e skuadrës.

“Kur fillon një sezon, ky është përfundimi që dëshiron të arrish. Në kampionat jemi në rrugën e duhur. Jemi në finale të Kupës së Francës, në çerekfinalet e Ligës së Kampionëve. Nuk mund të ëndërrosh më shumë.

Duhet të vazhdojmë kështu. Nuk duhet të dorëzohemi tani, këto janë dy muajt më të rëndësishëm për ne. Momente të bukura po vijnë. Të gjithë lojtarët ëndërrojnë të jenë në top-formë. Jemi në një periudhë të mirë si grup, si punë dhe si ide loje.

Edhe në vështirësi, ideja jonë nuk ndryshon, gjithmonë kërkojmë rezultat dhe të shkojmë përpara. Ky është mesazhi që trajneri (Luis Enrique) na ka dhënë që kur ka ardhur. Sot, PSG është kështu edhe falë tij”.