“TakFak”/ Çifti i bashkëshortëve pretendon se fëmijën ja morën në maternitet 40 vite më parë: Dyshojmë se vajza ka jetuar me familjen Musta! Fqinjët: Është vetëm iluzion
Një çift bashkëshortësh zgjohen dhe flenë me mendimin se fëmija i tyre, që sollën në jetë 40 vite më parë, jeton dhe është ngatërruar në maternitet.
Selvie Berisha: Unë kam lindur një vajzë në vitin 1985, që e kam humbur po atë vit.
E pyeta doktorin: “Pse po ma bën këtë gjilpërën?” Pas tre ditësh, unë linda një vajzë.
Fëmija plasi duke qarë. Flokët e saj ishin kaçurrela… Deri sa doktori më tha: “Mami, merr vajzën dhe hiqe nga këtu.”
Tak Fak ndoqi rrugën institucionale, të njëjtën që ka ndjekur edhe znj. Selvie.
Gazetarja shkoi në Maternitetin Mbretëresha Geraldinë, ku mbahen të dhënat për foshnjat.
Juristi: Zonja është paraqitur disa herë, dhe ne i kemi dhënë përgjigje.
Sipas pretendimeve të zonjës Selvie, vajza e tyre ka jetuar në familjen Musta. Por a është ky një pretendim i qëndrueshëm?
Hamdiu: Ne na kanë thënë që ata janë larguar dhe kanë shkuar në Amerikë…
Gazetarja e TakFak u interesua edhe te komshinjtë e çiftit Musta, që kanë jetuar në një apartament në lagjen ku jeton edhe sot çifti Berisha.
Komshinjtë: Ky është vetëm një iluzion i saj…
Zonja Selvie dhe z. Hamdi nuk e kanë lënë me kaq pretendimin e tyre. Ata janë paraqitur edhe në komisariatin nr. 4 në Tiranë, dhe kallëzimi i tyre është kaluar më pas në Prokurori.
Gazetarja e Tak Fak telefoi Fatmir Mustën, i cili tha se nuk e njihte çiftin e Berisha.
-Zoti Musta, e njihni zonjën Selvie Berisha?
-Jo, as e kam dëgjuar ndonjëherë…
-Ajo thotë që vajza ju është marrë nga doktori dhe iu është dhënë juve…
-Unë kam një vajzë që ka lindur në Durrës. Ajo është Loreta, 44 vjeçe.
-Unë këtë vajzë e kam me gruan e parë. Ajo ka ditëlindjen në 1979. Ka pasur një gjyq në Durrës, dhe unë e kam marrë dhe e kam rritur vetë. Drita nuk bënte fëmijë. Me Dritën unë jam ndarë në vitin 1997. -Kjo është një gënjeshtër…
