Vrau shqiptaren dhe e fshehu në valixhe/ Ish i dashuri filipinas i 22-vjeçares dërgonte mesazhe nga celulari i saj! Kreu krimin para prindërve të tij
Ilaria Sula, 22-vjeçare me origjinë shqiptare, e cila rezultonte e zhdukur që prej 25 marsit u gjet e vrarë dhe e masakruar nga ish i dashuri i saj me origjinë nga Filipinet.
Trupi i saj u gjet i mbyllur në një valixhe dhe ishte hedhur në një luginë nga ish i dashuri, Mark Antony Samson.
Mediat në Itali kanë zbardhur detaje të reja në lidhje me këtë krim makabër. 23-vjeçari ka pranuar krimin, që e ka kryer në prani të prindërve të tij në banesën e tyre në lagjen afrikane.
Më pas ai e fshehu trupin në një valixhe shumë të vogël për të mbajtur të gjithë trupin dhe e çoi 40 km larg, duke e hedhur thikën në një kazan.
Ai e ka mbajtur telefonin e viktimës, duke fshirë rrjetet sociale të vajzës, por duke iu përgjigjur shkurt disa mesazheve.
Ndërkohë që po vlerësohet ende pozicioni i prindërve të tij, edhe pse ndaj tyre nuk ka një akuzë konkrete si të përfshirë në këtë ngjarje.
Prindërit e 23-vjeçari priten të merren në pyetje nga hetuesit, të cilët janë në pritje të rezultateve të autopsisë për të zbardhur rrethanat e vdekjes së tyre.
