Ceferin për organizimin e Europianit nga Shqipëria dhe Serbia: Futbolli është unitet

Në hapje të Kongresit të 49-të të UEFA, numri një i institucionit më të rëndësishëm të futbollit në Europë, Aleksander Ceferin, u ndal të fliste edhe për organzimin e Kampionatit Evropian 2027 për U-21 nga Shqipëria dhe Serbia. Ceferin u shpreh se qëllimi i futbollit është uniteti.

“Futbolli është më shumë se një sport: është një pasqyrë dhe një model i shoqërisë. Ai flet një gjuhë universale që shkon përtej kufijve, bashkon komunitetet dhe frymëzon ëndrrat. Futbolli evropian duhet të vazhdojë të qëndrojë si model për unitetin në këtë botë gjithnjë e më të ndarë. Dhe të bashkuar do të qëndrojmë”.

E shikoj një turne si EURO U21, të organizuar së bashku nga Shqipëria dhe Serbia, si një shembull i shkëlqyer: për të na kujtuar se nuk ka kufij të vërtetë në futbollin evropian”.