FOTO/ “Abraham është djall, Calha eviton ferrin”, derbi i Madonnina-s “tërbon” mediat italiane

4 në 4 derbi, 0 humbje. Në një sezon ku gjithçka po shkon për “dreq”, Milan kapet vetëm pas këtyre shifrave, ndaj Inter “djalli” mbetet i pamposhtur. Këtë herë, në Kupë, diskutimi është më ndryshe, pasi ky “X” ka një shije jo të ëmbël, me zikaltërit që dalin nga “San Siro” me një rezultat pozitiv, një barazim 1-1 ndaj Milan i jep një bonus të rëndësishëm ekipit të Inzaghit për ndeshjen e kthimit më 23 prill, ku do të vendoset edhe bileta për në finale. Abraham dhe Calhanoglu ishte dy protagonistët kryesorë në derbin e “Madonninas”, por në një version spektakolar u shfaq edhe portieri Maignan.

Pas një pjese të parë të mbyllur me rrjeta të paprekura, Abraham me një veprim të bukur në zonë kaloi “djallin” në avantazh. Inzaghi ndërhyri menjëherë në formacion duke bërë tre ndryshime të shpejta, por ai që rikthehu Inter në lojë ishte një veteran si Calhanoglu. Regjisori turk me një predhë të vërtetë nga jashtë zonë stampoi topin në rrjetë duke barazuar shifrat në 1-1.

Të dy ekipet nuk e ulën ritmin për asnjë moment, por rastin më të pastër e kishte në këmbë Zalewski, me mbrojtësin polak që i vetëm përballë Maignan nuk arriti të shtynte topin në rrjetë. As Milan nuk qëndroi pasiv, por goditja në fund e Leaos shkoi ngjitur me shtyllën pingule duke bërë që fati i këtij derbi, i biletës për në finalen e Kupës së Italisë të përcaktohet në ndeshjen e kthimit më 23 prill.

“Derbi nuk ka fund”, shkruan La Gazzetta dello Sport në faqen e parë. “Është turku, Calha i përgjigjet Abraham”, ishte titulli kryesor i Corriere dello Sport. “Abraham është një djall, Calha eviton ferrin”, shkruan TuttoSport.

()