Kaos në derbin e Stambollit, Mou sulmon trajnerin e Gallatasaray (VIDEO)
Derbi i Stambollit, Fernerbahce-Gallatasaray, rezultoi një sfidë e “çmendur”, gola, spektakël, por mbi të gjitha shumë tension dhe kaos. Nuk mund të mungonte as protagonizmi i Jose Mourinho-s, me teknikun portugez që e humbi qetësinë duke sulmuar homologun e tij, trajnerin e Gallatasaray-it. Në fushë, njeriu i ndeshjes ishte Victor Osimhen, me sulmuesin nigerian që realizoi një “dopietë” golash, për më tepër brenda 27 minutash.
Në fundin e pjesës së parë, Fenerbahce ngushtoi shifrat në 1-2. Pjesa e dytë ishte “zjarr”, e luftuar për çdo top, me gjyqtarin e takimit u përpoq në çdo formë të zbuste dy ekipet teksa akordoi 8 kartonë të verdhë. Rezultati mbeti i pandryshuar deri në fund, me Gallatasaray që siguroi një biletë për në fazën gjysmëfinale të Kupës së Turqisë.
Derbi nuk përfundoi këtu, pasi menjëherë stafetën e mori Jose Mourinho, me portugezin që sulmoi hapur trajnerin e Gallatasaray-it, me këtë të fundit që u shtri në tokë.
Gjyqtari i takimit akordoi 3 kartonë të kuq, mes tyre ndëshkoi edhe Mourinho-n. Lojtarët dhe stafi i Gallatasaray-it provokuan jo pak, duke e kthyer në kaos derbin e Stambollit ku u desh ndërhyrja e forcave të rëndit për të shoqëruar ekipet në dhomat e zhveshjes.
()
