“Ndaj Realit do jetë ndeshje ndryshe”, Kounde entuziast: Barcelona mund të fitojë tripletën

Pas suksesit kundër Atléticos, lojtari i Barcelonës, Jules Koundé foli me shumë entuziazëm për momentin që skuadra po kalon  dhe ambiciet për fundin e sezonit.

“Tripleta- Po, ne mund t’i lejojmë vetes të ëndërrojmë, jemi të vendosur mirë në të gjitha garat. Ka ende një rrugë të gjatë për të bërë, por ne besojmë në të.

Ne kemi ekipin për ta bërë atë. Nëse ne vazhdojmë të punojmë, mund t’ia dalim”- tha Kounde.

Ai tregoi këndvështrimin e tij edhe për ndeshjen finale të Copa Del Rey ndaj Realit.

“Ne e dimë se Real Madridi është një ekip shumë i rrezikshëm dhe se ata do të japin gjithçka në fushë. Ne dolëm mirë në dy ndeshjet e para të sezonit, por do të jetë një lojë krejtësisht ndryshe.”

Barcelona synon që të fitojë kampionatin, Copa Del Rey dhe Champions League.