Upss! Justin Bieber sapo thumboi Selena Gomez-in me postimin e fundit?

Fansat mendojnë se Justin Bieber ka reaguar në mënyrë të fshehtë ndaj fejesës së ish-të dashurës së tij, Selena Gomez, me producentin Benny Blanco. Këngëtari publikoi një meme nga filmi “The Lord of the Rings”, ku personazhi Gollum shfaqet duke mbajtur unazën e artë, e shoqëruar me tekstin: “Vajzat në rrjetet sociale kur fejohen”.

Ky postim nxiti spekulime në rrjetet sociale, ku shumë ndjekës aluduan se ishte një thumb ndaj Gomez. “Justin Bieber po çmendet nga lajmi i fejesës së Selenës?? Karma është reale”, shkroi një përdorues në X. Të tjerë e kritikuan këngëtarin, duke e quajtur të papjekur dhe duke kujtuar se tashmë është baba.

Ndërkohë, Bieber nuk ka bërë asnjë deklaratë të drejtpërdrejtë për këtë çështje.