Anisa Veseli kryen me sukses operacionin për skoliozën
Ish-banorja e Big Brother VIP Kosova, Anisa Veseli, ka ndarë me ndjekësit e saj në Instagram se ka kryer me sukses një operacion për skoliozën.
Ajo postoi një fotografi nga shtrati i spitalit, duke treguar se ndërhyrja kirurgjikale e vështirë ka përfunduar me sukses. Anisa e përshkroi këtë përvojë si një udhëtim të mbushur me sfida dhe vështirësi, por gjithashtu me besim dhe vendosmëri.
Ajo falënderoi familjen dhe miqtë për mbështetjen e tyre gjatë kësaj periudhe dhe inkurajoi të gjithë ata që përballen me sfida të ngjashme të jenë të fortë, të kenë durim dhe të besojnë në veten e tyre.
@aan1se Ecja ime e parë pas operimit s’ka për t’u harruar kurrë. Dhimbja më përshkoi çdo qelizë të trupit, këmba nuk donte të më mbante, shikimi më errësohej nga lodhja… Por në atë moment, mes lotëve dhe mundimit, zgjodha të mos dorëzohem. Nuk ishte thjesht një hap. Ishte një luftë. Një fitore e vogël, por e madhe për shpirtin tim. Sepse kur zemra është e fortë, trupi e ndjek. Dhe unë zgjodha të qëndroj në këmbë. #fyp #surgery #scoliosissurgery #anisaveseli
