FSHF inaguron fushën sportive në shkollën 9-vjeçare, Duka: Objektiv, edukimi përmes futbollit

Këtë te shtunë Federata Shqiptare e Futbollit inaguroi një tjetër fushë sportive, këtë radhë në shkollën 9- vjeçare “At Zef Pllumi”, ku ambienti është rikonstruktuar plotësisht. Gjatë ceremonisë se inagurimit ishte i pranishëm edhe Presidenti i Federates Shqiptare Të Futbollit Armand Duka, i cili fillimisht u shpreh:

“Padyshim që misioni ynë është i njëjtë, i përbashkët dhe objektivi ynë është edukimi i fëmijëve. Ne tentojmë që ta bëjmë këtë nëpërmjet futbollit dhe ju në të gjithë komponentët e edukimit të fëmijëve. Jam vërtet shumë i lumtur që jam bashkë me ju këtu me fëmijët. Dua të falënderoj shumë Akademinë e Futbollit Etien, e cila është një nga akademitë jo vetëm më të mëdha për numrin e fëmijëve që sot ka të regjistruar mbi 250 fëmijë që luajnë futboll, por edhe për kualitetin me të cilin kjo akademi i edukon sportivisht këta fëmijë, por jo vetëm sportivisht”.

Ndërkohë edhe drejtuesja e Etien Akademi, Gelda Lilo dha nje mesazh për të gjithë prindërit, dhe falënderoi FSHF për mbështetjen.

“Është një emocion shumë i madh për mua që sot inaugurojmë këtë fushë të re. Një investim i cili na ka ndihmuar shumë për të ecur përpara, sidomos në fushën e futbollit. ‘Etien Football Academy’ ka mbi 250 fëmijë që rriten dhe stërviten me vlerat e sportit. Një falënderim i veçantë është për Federatën e Futbollit, për Presidentin Armand Duka që është i pranishëm këtu me ne, për drejtoreshën e shkollës, znj. Anila, dhe për prindërit që na besuan. Gjithashtu, falënderoj edhe të gjithë fëmijët që janë prezent sot këtu dhe që do ta shijojnë këtë fushë të re. Ju falënderoj” – tha Lilo.

Në fund te eventit, presidenti Duka përpara mediave u ndal te fliste edhe për garën ne kampionatin shqiptar

“Ka emocione për të qenë kampion apo për të mbijetuar.Lufta më e ashpër është për mbijetesën, me skuadrat që janë të ngjeshura nga vendi i gjashtë në të dhjetin. Çdo gjë mund të pritet deri në fund”.

Ndërsa Duka nuk nguroi të jepte edhe një koment për rindërtimin e stadiumit Selman Stermasi.

“Janë bërë disa stadiume në Shqipëri, janë në projektet e reja që do rindërtohen. Është shtuar edhe një projekt i katërt dje, që do ta çojë në një stad më të lartë nivelin e stadiumeve”.

()