Humb jetën nga rrëshqitja e dheut punëtori i ndërtimit në Kosovë! Detajet e para

Një person ka humbur jetën dhe një tjetër është lënduar, si pasojë e rrëshqitjes së dheut në një kaniter ndërtimi në lagjen Veternik të Prishtinës më 5 prill.

“Nga informacionet e para është bërë e ditur se njëri nga ta është nxjerrë nga aty dhe po merr trajtimin e nevojshëm mjekësor në Qendrën Klinike Universitare të Kosovës, ndërkaq fatkeqësisht, tjetri, mashkull, rreth 40 vjeç, është konstatuar pa shenja jete, nga ana e mjekëve emergjentë”, njofton Agron Boroci nga Policia e Kosovës

Zyrtarët policorë kanë shkuar në vendngjarje dhe po vazhdojnë punën për të zbardhur rrethanat e kësaj ngjarjeje.