Përplasje&ndjenja të paqarta mes Eglit dhe Gjestit – opinionistët ndajnë mendimet

Debati i fundit mes Gjestit dhe Eglit ka nxitur reagime të ndryshme nga opinionistët Neda Balluku dhe Arbër Hajdari të cilët kanë komentuar gjatë “Prime-t” të sotëm.

Neda Balluku kritikoi qëndrimin e Gjestit, duke theksuar se ai shpesh vepron pa marrë parasysh pasojat:

“Gjesti si natyrë është shumë spontan. I jepet momentit, do të bëjë lojëra dhe nuk çan kokën për pasojat, por ki parasysh që aty pranë ke një vajzë që i mendon gjërat. Nga njëra anë thua nuk dua të bëj lojëra, dhe nga ana tjetër kërkon të bësh dashuri. Egli është njeri i komplikuar, ajo do të futet thellë në gjëra. Mendoj që duhet të tregohesh më koherent si mashkull dhe si partner, vetëm për faktin që ajo vajzë të ka përzgjedhur,” u shpreh ajo.

Ajo shtoi më tej se Egli ka të drejtë të flasë për marrëdhënien:
“Egli ka gojë të flasë, sepse kur Gjesti i kërkon të bëjnë dashuri, kush tjetër do flasë? Mendoj që juve u ka ardhur koha të duheni dhe nuk po duheni dot.”

Nga ana tjetër, Arbër Hajdari pati një qasje më kritike ndaj Eglit, duke e konsideruar atë si shkaktaren kryesore të tensionit:
“Në këtë situatë nuk ka faj as Gjesti, as Rozana. Ata kanë mbajtur një qëndrim të qartë ndaj njëri-tjetrit. Këtë reagim të Eglit e shoh më shumë si një pretekst për të vazhduar një debat që buron nga xhelozia. Egli nuk do që Rozana dhe Gjesti të kenë një territor vëmendjeje për vete dhe kërkon që gjithë vëmendja të jetë jashtëzakonisht për të.”

Në reagimin e saj, Egli pranoi se situatat e mëparshme kanë ndikuar në mënyrën si ajo po e përjeton marrëdhënien aktuale:

“Patjetër që mund të ndikojë fakti i gjithë atyre dy muajve që kjo treshe ka ndikuar në gjendjen time dhe mund të kthejë ngjarje nga e kaluara. Kjo më bën skeptike. Kam heshtur që Gjesti të mos ndihet keq. Por tani po bëj atë që më bën të ndihem mirë, po i them gjërat me zë të lartë.”

Ndërkohë, vetë Gjesti shprehu dëshirën për të vijuar lidhjen me Eglin, por me rezerva:
“Unë dua të jem me Eglin, por kam frikë se mos shkojmë sërish në gjendjen ku ishim. Dua të jemi siç dua unë, por edhe siç do Egli.”