Rozana dhe Gerta përballen në televotim për finalisten e parë të “Big Brother VIP”

Mbrëmja e sotme në “Big Brother VIP” sjell një përballje të fortë mes dy banoreve të dashura për publikun, Rozanës dhe Gertës. Të dyja janë në televotim dhe vetëm njëra prej tyre do të shpallet finalistja e parë e këtij edicioni.

Në hapje të spektaklit, Rozana ndau me publikun emocionet që e kanë shoqëruar gjatë gjithë këtij rrugëtimi. Ajo tha se ka qenë një eksperiencë e gjatë, e mbushur me ndjenja të forta, përplasje, të qara, por edhe shumë momente të bukura. “Tani arrijmë afër fundit dhe rrethi ngushtohet…”, u shpreh ajo me emocion.

Nga ana tjetër, Gerta deklaroi se është e përgatitur të përballet me çdo rezultat, por se nuk do të dorëzohet. “Emocionet i kam si çdo prime. Ndoshta në momentin kur do përballem me përgjigjen si finalisten e parë… si do që të jetë vendimi, do vijoj betejën time sepse ajo mbyllet më 19 prill,” u shpreh ajo me vendosmëri.

Publiku ka në dorë vendimin final, ndërsa Rozana dhe Gerta presin me padurim verdiktin që do të përcaktojë se cila prej tyre do të sigurojë vendin në finalen e madhe.