Rrëfimi tronditës i Laertit: Heshta për 42 vite, për abuzimin nga…!

Banori i “Big Brother VIP”, Laert Vasili, ka ndarë një rrëfim të dhimbshëm dhe të fortë për jetën e tij, duke zbuluar disa detaje tronditëse nga fëmijëria dhe periudhat e vështira që ka kaluar. Ai ka përshkruar si një nga momentet më të dhimbshme të jetës së tij, abuzimin që ka përjetuar në moshën 9-vjeçare nga një fqinji.

“Në moshën 9-vjeçare ndodhi diçka që nuk do e harroj për gjithë jetën. Një fëmijë nëntë vjeç që abuzohej nga komshiu i tij. Dhe kjo për 42 vite ka qenë brenda meje. Nuk tregoja se kërcënohesha se do të dhunohesha. E kam mbajtur këtë për vete,” tha Laerti, duke theksuar se kjo ngjarje e ka shoqëruar gjatë gjithë jetës së tij.

Ai gjithashtu tregoi për periudhën e varësisë nga alkooli dhe përpjekjet e tij për të gjetur shpëtim. “Kam pasur për një kohë të gjatë varësi nga alkooli. Uroj që im atë të më fali, nuk e bëra dot gjysh. Nëna ka qenë forcë kur babai ndërroi jetë,” tha ai, duke shtuar se ky është një hap i rëndësishëm drejt faljes dhe përpjekjes për të bërë ndryshimin në jetën e tij.

Në një moment tjetër, Laerti përmendi humbjen e një personazhi të rëndësishëm për të, Margarita, dhe theksoi se për të është një tronditje e madhe. Ai e përshkroi jetën e artistëve, duke thënë: “Ne jemi të numëruar në jetë tani, ja na ikur Margarita. Për mua ka qenë tronditje e madhe, ne jemi artistë që i kemi shërbyer popullit, do i shërbejmë këtij kombi deri sa të kem frymën e fundit.”

Laerti gjithashtu shprehu mendimin se ai dhe shumë të tjerë që kanë kontribuar për kulturën shqiptare, duhet të ishin trajtuar më mirë. “I kanë dhënë shumë këtij kombi, duhet të ishim sjellë më mirë me ta.”

Gjatë rrëfimit të tij, Laerti u surprizua nga një vizitë e aktorit të njohur të Teatrit, Helidon Fino, i cili është një tjetër personazh i njohur që ka kontribuar për artin dhe kulturën shqiptare.