Tinka Kurti: Ikona e harruar në shtëpinë e të moshuarve

Aktorja e njohur Tinka Kurti, një nga emrat më të mëdhenj të kinematografisë dhe teatrit shqiptar, aktualisht ndodhet në shtëpinë e të moshuarve, ku po kujdeset për shëndetin e saj pas një karriere të jashtëzakonshme. Me mbi 260 role në teatër dhe 95 në film, ajo ka dhënë një kontribut të pashoq për artin shqiptar, duke i dhënë zemër dhe jetë personazheve të paharrueshëm që mbeten ende në kujtesën e publikut.

Megjithatë, historia e Tinka Kurtit dhe e shumë artistëve të tjerë është një kujtesë e hidhur për ne se shpesh ata që i kanë dhënë më shumë kombit tonë janë ata që janë më të neglizhuarit. Shpesh, shpërblimet dhe njohjet për këtë kategori të artit i jepen vetëm pas ndarjes nga jeta, një fenomen që na bën të reflektojmë se sa pak vlerësojmë ata që kanë kontribuar kaq shumë për trashëgiminë tonë kulturore.

Le të ndalemi dhe të mendojmë: çfarë mund të bëjmë për të vlerësuar këta artistë gjatë jetës së tyre, për t’i nderuar e mbështetur ata që vazhdojnë të kontribuojnë dhe kanë formuar kulturën tonë? Vlerësimi dhe nderimi duhet të ndodhin gjatë jetës, jo pas ikjes së tyre./ICONSTYLE