Rekursi për masën e sigurisë, Gjykata e Lartë rrëzon kërkesën e Berishës për përjashtimin e trupës së gjyqtarëve

Gjykata e Lartë ka rrëzuar kërkesën e kryetarit të PD, Sali Berisha, për përjashtimin e treshes gjykuese të përbërë nga Ilir Panda, Sokol Binaj dhe Sander Simoni nga gjykimi i rekursit të tij për masën e sigurisë “detyrim paraqitje”.

Vendimi u dha sot nga gjyqtari Enton Dhimitri.

Seanca, e cila ishte parashikuar për të martën, u shty nga Gjykata e Lartë dhe do të zhvillohet më 22 prill.

Gjatë kësaj seance, pritet që gjykata të shqyrtojë gjithashtu rekursin e Berishës dhe të dhëndrit të tij, Jamarbër Malltezi, për masën e sigurisë.