VIDEO/ Stefen Kërri është i pagabueshëm edhe në golf! Ylli i NBA realizon gjuajtjen e pabesueshme në turneun e yjeve

16 July, 2023

16 July, 2023

Stefen Kërri bën që të duken shumë të thjeshta gjuajtjet nga distanca në basketbollin amerikan falë saktësisë që ka. Prej shumë vitesh, gjuajtjet e tij nga distanca kanë kthyer Golden Stejt Uorriors në një superfuqi dhe pretendente kryesore për titullin në NBA. Por pakkush di që Kërri është i jashtëzakonshëm edhe në golf.

Basketbollisti është një praktikues i rregullt i këtij sporti, e ka luajtur që i vogël dhe ka treguar të gjithë talentin e tij në turneun e yjeve që zhvillohet çdo vit në Nevada.

Kërri lëshoi një goditje spektakolare duke realizuar “hole in one”, pasi dërgoi topin në gropë direkt me tentativën e parë, gjë që është e vështirë dhe padyshim e rrallë.

Ai e festoi me një vrapim të gjatë duke entuziazmuar edhe më shumë të gjithë të pranishmit të cilët nisën koret “MVP”, ato që e shoqërojnë zakonisht në ndeshjet e tij në NBA.

PANORAMASPORT.AL