Vrasja në Lezhë/ 42-vjeçari u qëllua me breshëri sapo doli nga dyqani, policia sekuestron kamerat e marketit

Nikolin Marku Lekstakaj është 42-vjeçari mbeti i vrarë pas të shtënave me armë zjarri në Lezhë.

Gazetarja Klodiana Lala raportoi nga vendi i ngjarjes se në të dyja anët e marketit kanë qenë të instaluara dy kamera sigurie.

Autorët kanë qëlluar në lëvizje, pa dalë nga automjeti

“16-vjeçari dhe nëna më treguan se në të dyja anët e marketit kanë qenë të vendosur kamera sigurie, për shkak se është në rrugë kryesore, si edhe për shkak të lëvizjeve jo vetëm të banorëve, por edhe të turistëve. Kamerat e sigurisë i janë dorëzuar policisë me shpresën për të pasur një identikit të autorëve. Një dëshmi tjetër është ajo e vëllait të viktimës, Bledar Lekstakaj, i cili ka thënë se automjeti që lëvizte vëllai ishte në pronësi të tij dhe gjatë gjithë ditës ka qenë në kryeqytet për një problem familjar”, ka raportuar gazetarja Lala.