Zyrtare, vazhdon historia e dashurisë, sulmuesi rinovon me Lazion
Pedro Eliezer Rodríguez Ledesma ka rinovuar me Lazion. Sulmuesi i njohur spanjoll kishte marrëveshje deri në vitin 2024 me skuadrën kryeqytetase, por palët kanë vendosur që të qëndrojnë së bashku për një periudhë më gjatë.
35-vjeçari Pedro në sezonin e dytë me skuadrën Biancoceleste ka luajtur 36 ndeshje, ku ka shënuar 4 gola dhe ka asistuar 3 herë.
“Falenderoj Presidentin Lotito dhe trajnerin Sarri për besimin. Ky grup është si një familje, edhe tifozët kanë luajtur një rol vendimtar për rinovimin tim.
Do të më pëlqente të mbyllja karrierën te Lazio. Punoj që të fitoj një trofe në Itali, duhet të zbresim në fushë duke kërkuar fitoren në çdo sfidë. Duhet ky mentalitet. Titulli? Asnjë nuk është e pamundur. Duhet të rrisim pak cilësinë, duke u përmirësuar në mënyrë progresive. Të gjithë duhet të kemi këtë ëndërr në mendje”, – Tha ai.
???? Ancora insieme @_Pedro17_ ! ???? ???? pic.twitter.com/SjFzlqZZZ7
— S.S.Lazio (@OfficialSSLazio) July 25, 2023
()
