“Duam të konfirmohemi në Europë”, Inzaghi motivon Interin: Synojmë titullin, jemi rritur shumë

Interi po përgatitet për sezonin e ri. Zikaltërit kërkojnë të rikthehen te titulli kampion, ndërsa do synohet edhe një paraqitje sa më dinjitoze në Champions League. Trajneri i nënkampionëve të Europës, Inzaghi i është përgjigjur pyetjeve të gazetarëve në konferencën për shtyp.

“Sezoni i kaluar ishte i mirë, kemi fituar Kupën e Italisë, Superkupën dhe luajtëm në finalen e Ligës së Kampioneve, që mbetet gjithmonë një rezultat shumë i madh. Jemi rritur shumë në nivel europian në krahasim me vitin e parë, nuk të ndodh çdo vit që të arrish në finale. Interit nuk i ndodhte prej 12 vitesh ndaj është një motiv krenarie.

Këtë vit duam të rikonfirmohemi në Europë, do ta provojmë përsëri, edhe pse e dimë se do të jetë shumë e vështirë. Titulli është objektivi ynë i madh, po përforcohemi dhe po përgatitemi që të luftojmë. Kemi shpresa që të fitojmë titullin kampion.

Futbolli italian- “Ekziston një mendim i përgjithshëm, se italianet bëjnë “katenaço”, por sipas mendimit tim, po përmirësohemi shumë dhe këtë e tregojnë tre skuadrat italiane në finalet e Europës. Në Serinë A janë 20 skuadra, 10 luajnë me mbrojtje me katër dhe 10 luajnë me tre. Mua rreshtimi 3-5-2 më ka dhënë garanci të mëdha, por ne trajnerët jemi gati për gjithçka dhe që të përshtatemi”, – tha ai.

()