Trajneri i Juventusit: Jam i kënaqur me skuadrën. Përjashtimi nga Europa? Çështje e mbyllur

Trajneri i Juventusit, Allegri ka dalë në konferencë për shtyp, në prag të ndeshjes miqësore me Real Madrid.

“Duhet të përmirësojmë gjendjen tonë sportive dhe gjithashtu në aspektin e lojës për të qenë gati për fillimin e kampionatit.”

Përjashtimi nga Europa? “E kemi mbyllur këtë kapitull që po zvarritim prej një viti.”

Vlahovic? “Ai është stërvitur me të gjithë ekipin në dy ditët e fundit dhe do rë jetë në dispozicion. Do të isha i lumtur që të mund ta fusja në fushë për një pjesë të ndeshjes së nesërme. Nga ana tjetër ende nuk e di se kur kthehet Pogba, me shumë gjasa nuk do të jetë për ndeshjen e parë të kampionatit. Të gjithë shpresojmë ta kemi përsëri në dispozicion sa më shpejt të jetë e mundur.”

Merkato? “Jam i kënaqur me skuadrën në dispozicion, por nëse vijnë oferta thelbësore, ne do t’i vlerësojmë ato. Dhe unë do të përshtatem, siç kam bërë gjithmonë. – tha ai.

()