FOTO/ U zunë në lokal dhe e vrau para shtëpisë, kush është 30-vjeçari që goditi për vdekje me thikë të riun në Bulqizë

ka siguruar foton e autorit të krimit të rëndë në Bulqizë, që i mori jetën Dritan Manjanit. Ngjarja ndodhi në fshatin Homesh, njësia administrative Shupenzë.

Gazetari Enver Doçi ka siguruar për foton e autorit të krimit, Dorjan Demës, i cili goditi me thikë 26-vjeçarin, para shtëpisë së viktimës, ndërkohë që i riu humbi jetën në spital.

SI NISI KONFLIKTI
Sipas banorëve konflikti mes të rinjve ka nisur në një lokal e më pas autori i dyshuar Dorjan Dema i ka shkuar viktimës te banesa dhe pasi ai ka dalë e ka goditur me mjet prerës që dyshohet të jetë thikë e jo kaçavidë siç u raportua nga policia. Banorët tregojnë se viktima nuk ishte konfliktual ndërsa autori i dyshuar ndodhej në lokal i shoqëruar nga 4 persona të tjerë dhe po konsumonte alkool.

Dritan Manjani ndodhej i vetëm në një tavolinë tjetër duke konsumuar kafe dhe mësohet se aty brenda ka patur një zënkë mes të rinjve. Vetëm pak minuta më vonë, pranë banesës së viktimës kanë shkuar dy makina dhe i kanë rënë borive. Në këtë moment ka dalë nga shtëpia 26-vjeçari, i cili po konsumonte darkë me familjen. Dyshohet se ai është goditur menjëherë nga autori. Familjarët dhe të afërmit e viktimës e kanë transportuar me urgjencë për në spital, por fatkeqësisht Manjani nuk ka arritur t’i mbijetojë plagëve të marra.

()