Samiti në Athinë bën ‘bashkë’ Vuçiçin dhe Kurtin/ Von der Leyen-liderëve: Normalizimi i marrëdhënieve Kosovë-Serbi rrëzon barrierat në rajon!
Presidentja e KE-së Ursula von der Leyen e pranishme në Samitin e organizuar në Athinë është takuar me kryeministrin e Kosovës Albin Kurtin dhe presidentin serb Aleksandër Vuçiçin.
Von der Leyen teksa ka ndarë në rrjete sociale video të momenteve të takimit me liderët, ka zbuluar se është diskutuar edhe për dialogun Kosovë-Serbi.
Presidentja e KE ka kërkuar nga Vuçiçi dhe Kurti që ë punojnë për të normalizuar marrëdhëniet mes Kosovës dhe Serbisë.
REAGIMI NË TWITTER:
Kam diskutuar me kryeministrin Kurtin, nevoja për të de-përshkallëzuar tensionet në veri të Kosovës, për t’u riangazhuar në dialogun e lehtësuar nga BE-ja dhe për të zbatuar marrëveshjet për normalizimin e marrëdhënieve ndërmjet Kosovës dhe Serbisë. Është jetike që të rrëzohen barrierat në rajon dhe Ballkani Perëndimor më afër BE-së.
