Gjeste të pahijshme në tribunë, thellohet skandali rreth Rubiales, vjen dhe denoncimi i parë

Më shumë se sa suksesi në Botëror, në Spanjë flitet rreth skandalit që ka mbërthyer presidentin e Federatës së Futbollit, Luis Rubiales. Puthja ndaj futbollistes Jennifer Hermoso nuk ishte gjesti i vetëm që po bën zhurmë, kamerat kanë fokusuar Rubiales gjatë festimeve në momentin kur gjyqtari i takimit vërshëlleu fundin e finales. Rubiales shihet qartë duke festuar në mënyrë të pa hijshme, për më tepër që në krah kishte edhe Mbretëreshën e Spanjës. Pavarësisht se Rubiales shprehu pendesë për veprimet e tij gjatë ceremonisë së medaljeve, zërat kundër kreut të futbollit spanjoll sa vijnë e shtohen.

https://www.youtube.com/watch?v=7YafphMbXK4

Ministri i Kulturës dhe Sporteve në Spanjë, Miquel Iceta, theksoi se pavarësisht emocioneve të mëdha për suksesin e arritur, ne kemi përgjegjësi pasi përfaqësojmë figura publike dhe duhet të jemi të kujdesshëm në përcjelljen e mesazheve. Nuk mund të detyrosh dikë për ta puthur”, u shpreh Ministri i Kulturës dhe Sporteve. Ndërkohë, në drejtim të Rubiales ka ardhur edhe denoncimi i parë. Ka qenë presidenti i shoqatës së trajnerëve në Spanjë, Miguel Galan i cili ka cilësuar gjestin e Rubiales si ngacmim seksual të papranueshëm në sport.

()