“Partizani është një klub i madh”, trajneri Zekic para ndeshjes me Astanën: Kazakët janë favoritë, por kam besim tek ekipi im

Partizani, nesër në orën 16:00 me atë shqiptare, do të luajë ndeshje e parë të Play-off në Conference League kundër kazakëve të Astanës në fushën e këtyre të fundit. Të kuqtë nuk janë favoritë, të paktën në ndeshjen e parë, por trajneri Zekiç nuk duket i dorëzuar.  Tekniku kroat ka dalë sot para mediave në konferencën për shtyp, duke pohuar se Partizani është klub i madh.

Për shumë tifozë, humbja e Astanës përballë Partizanit do të ishte një tragjedi. A do të cilësohej një tragjedi një rezultat i pafavorshëm për ju?

Ne kishim të njëjtën situatë para ndeshjeve me klubin nga Andorra. Por futbolli është futboll. Astana është favorite nesër, por unë shpresoj që skuadra jonë të paraqitet më mirë.

A e kupton skuadra që Astana është një kundërshtar shumë më serioz në letër se sa kundërshtarët e mëparshëm të Partizanit në kompeticionet europiane?

Po, sigurisht. Por edhe ndeshjet tona të fundit me Valmieran nuk ishin të lehta gjithashtu.

Çfarë mund të veçoni te Astana?

Unë njoh Marin Tomasov pasi e kam trajnuar në Kroaci dhe kam kryqëzuar rrugët me të. Unë njoh gjithashtu edhe Lonçar dhe portierin Çondriç. Nesër, gjëja më e rëndësishme për ne është që të luajmë si skuadër.

Astana gjithmonë lufton në shtëpi në kompeticionet europiane, por shpesh mundet jashtë fushë me rezultate shkatërrimtare. Si do të luajë skuadra juaj nesër, futboll ofensiv apo defensiv?

Udhëtimi ishte i gjatë dhe i lodhshëm. Nesër ne duhet të luajmë me përqendrim dhe qetësi. Astana ka eksperiencë të gjerë në Europë. Më duhet edhe të përmend tapetin e veçantë që ka në stadiumin e Astanës.

A mund të thuhet se prania e një numri të madh lojtarësh të ri është pjesërisht një avantazh për ju? Pasi ata janë të uritur për fitore dhe do të bëjnë gjithçka për të arritur fazën në grupe për herë të parë…

Ne nuk kemi shumë eksperiencë në kompeticionet europiane, por ka me të vërtetë shumë motivim. Për fat të keq, nuk mund të vrapoj në fushë të ndihmoj lojtarët, por ne jemi të përgatitur mirë dhe unë shpresoj që skuadra të bëjë mirë.

A keni konsultuar me mbrojtësin Atanaskoski, i cili ka luajtur më parë në kampionatin e Kazakistanit?

Ai nuk erdhi pasi ka marrë kartonë të verdhë. Unë njoh mjaftueshëm rreth Astanas, sidomos për faktin se kam ndjekur ndeshjet ndaj Dinamo Zagreb dhe Ludogorets.

Dje në aeroport, skuadra juaj u takua me disa tifozë të rinj të Partizanit, të cilët kishin përgatitur edhe parulla për lojtarët. A jeni përballur herë të tjera me këtë fakt që në vende të tjera kë tifozë që ju mbështetin?

Partizani është një klub i madh, shumë persona mbështetin ekipin tonë, sidomos në Shqipëri. Do të vini dhe shihni stadiumin tonë, se si tifozët tanë e mbështetin ekipin. Fakti që ata janë të “sëmurë” pas ndesh, është absolutisht normal.

()