Çfarë i Ndodh Organizmit Nëse Hani dy Banane në Ditë
Banania është një nga frutat më të konsumuara në botë, më shumë se mollët dhe portokallet të marra së bashku.
Përfitimet e këtij fruti janë të shumta për trupin.
Bananja është veçanërisht e pasur me kalium, fibër, vitaminë C dhe B6.
Ato i bëjnë njeriut vetëm mirë, megjithatë banania nuk është për të gjithë, sidomos për njerëzit me sëmundje të caktuara.
Çfarë Përfitoni Nëse Hani 2 Banane Në Ditë?
Nëse ju konsumoni 2 banane në ditë do të merrni përfitimet e mëposhtme:
- 210 Kalori
- 900 mg Kalium (24% DRD)
- 54 g Karbohidrate (18% DRD )
- 2 g Fibër (24% DRD)
- 28 g Sheqer
- 6 g Proteinë (4% DRD))
- 2% Vitaminë A
- 34% Vitaminë C
- 2% Hekur
- 40% Vitaminë B6
- 16% Magnez
Çfarë Ndodh Nëse Hani 2 Banane Në Ditë?
Ekspertët thonë se konsumi i dy bananeve në ditë do të furnizojë trupin me 900 mg kalium, që i bën mirë zemrës dhe mirëmban tensionin e gjakut në nivele të shëndetshme.
Sipas tyre, balancat mes kripës dhe kaliumit janë të nevojshme për të mbajtur nën kontroll tensionin e lartë të gjakut.
Nivelet e larta të vitaminës C që përfitoni nga ngrënia e dy bananeve në ditë, do të fuqizojnë sistemin imunitar dhe minimizojnë rrezikun e sëmundjeve.
Bananja është një frut shumë i mirë për shëndetin e stomakut dhe sistemin tretës, për shkak të kaliumit që ndihmon në rikthimin e ekuilibrave të elektroliteve.
Bananet përmbajnë fibër por edhe sheqer. Pavarësisht nivelit të lartë të këtij të fundit, fibra do të balancojë përthithjen e tij në organizëm.
Ekspertët thonë se ngrënia e dy bananeve në ditë është një mënyrë shumë e mirë për tu kujdesur për zemrën.
Megjithatë, kjo sasi nuk është e rekomandueshme për njerëzit që vuajnë nga diabeti.
Ka njerëz që shqetësohen se duke ngrënë shumë banane mund ta teprojnë në dëm të shëndetit, sidomos në aspektin e kaliumit.
Megjithatë, duhet të dini që për të arritur nivelet e rrezikshme të kaliumit, ekspertët thonë se duhet të hani 400 banane në ditë, dhe kjo është krejt e pamundur. /AgroWeb.org/
