Ibuprofeni Rrit Rrezikun e Problemeve të Zemrës dhe Trurit – Si ta Zëvendësoni
Ibuprofeni, një ilaç që zakonisht përdoret për të trajtuar dhimbjen dhe inflamacionin – mund të rrisë rrezikun e një sulmi në zemër apo goditjeve në tru.
AgroWeb.org ju tregon se është e rëndësishme të merrni vetëm dozën që ju nevojitet për kohën më të shkurtër të mundshme, për të kufizuar rrezikun e atakut në zemër ose goditjes në tru.
Marrja e ibuprofenit rrallë ose për një kohë të shkurtër, në rastet e dhimbjeve për shkak të ndonjë dëmtimi, zakonisht ka vetëm një rrezik të vogël.
Ibuprofeni, sipas kërkimeve të AgroWeb.org, gjendet tek ilaçet pa recetë (si Advil, Buscofen, Motrin IB, etj).
Medikamente të tjera me probleme të ngjashme përfshijnë sodrofen natriumi (si Aleve, Anaprox, etj), diklofenak natriumi (si Voltaren, Solaraze, etj) dhe celekoksib (Celebrex) .
Megjithëse aspirina është një lloj i ngjashëm ilaçi, studimet tregojnë se nuk paraqet rrezik të atakut në zemër apo goditjes në tru. Përkundrazi ndihmon kundër tyre.
Shkenca ende nuk është e qartë pse ibuprofeni rrit rrezikun e sulmit në zemër apo goditjes në tru. Ka të ngjarë që këto ndodhin prej proceseve të ndryshme kimike që mjekimet me ibuprofen shkaktojnë në organizëm.
Cilët rrezikohen më shumë nga Ibuprofeni?
Nëse keni sëmundje të zemrës ose rrezikoheni prej tyre, ju mund të përballeni me një rrezik më të madh për të pasur një atak në zemër apo goditje në tru, sesa dikush që merr ibuprofen, por nuk ka sëmundje kardiovaskulare.
Por AgroWeb.org raporton se edhe njerëzit pa sëmundje kardiovaskulare që marrin ibuprofen, mund të jenë të rrezikuar prej problemeve anësore të ibuprofenit.
Për të ndihmuar në lehtësimin e dhimbjeve të muskujve ose të kyçeve, merrni në konsideratë përdorimin e terapive të tjera – të tilla si borsa me ujë të nxehtë ose të ftohtë.
Mjeku juaj mund të këshillojë medikamente të tjera si alternativa për ibuprofenin.
Për shembull, mund të merrni acetaminophen (si Paracetamol, etj) për lehtësim të dhimbjeve të përgjithshme, gjë që nuk rrit rrezikun e sulmeve në zemër.
Nëse keni nevojë për të marrë ibuprofen, merrni dozën më të ulët të mundshme për kohën më të shkurtër të nevojshme.
Nëse merrni aspirinë për të ndihmuar në parandalimin e problemeve në zemër, bisedoni me mjekun tuaj përpara se të merrni ibuprofen.
Ibuprofeni mund të ndërveprojë me aspirinën dhe të ndikojë në uljen e aftësisë së aspirinës për të ndihmuar në parandalimin e problemeve në zemër.
Nëse jeni duke marrë ibuprofen dhe keni ndonjë shenjë ose simptomë të një sulmi në zemër ose goditje në tru – si dhimbja e gjoksit, marrja e frymës, dobësi në një anë të trupit, menjëherë paraqituni tek mjeku./AgroWeb.org
* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.
