Në kamionin me shalqinj dhe pjepra, kapet 430 kg marijuanë në Francë, 4 shqiptarë në pranga

Katër shqiptarë dhe dy spanjollë u arrestuan në Francë pasi një kamion me 430 kg marijuanë të fshehura nën një ngarkesë me shalqinj dhe pjepra të ardhur nga Spanja u kap nga autoritetet franceze.

Dogana e Bourg-en-Bresse kreu konfiskimin në kabinën e pagesës Villefranche-sur-Saône. Mësohet se kamioni që vinte nga Spanja u ndalua si pjesë e një kontrolli rutinë në A6.

Malli i vlerësuar në 430 kg dhe me vlerë 4.17 milionë euro, ishte fshehur nën shalqinj dhe pjepër, por nuk i ka shpëtuar aromës së qenit të doganës.

Tashmë të arrestuarit dhe të vendosurit në paraburgim do të gjykohen në gjykatën penale më 28 nëntor.